Webinar - Empowering Yourself for Success in the Ever-Evolving Job Market!

 လူငယ်တွေအနေနဲ့အနာဂတ် အတွက် ပြည်တွင်းပြည်ပ အလုပ်အကိုင် အခွင့်အလမ်းတွေ ရရှိဖို့ စိတ်ပျက် လက်လျော့လိုက်စရာမလိုပါဘူးနော်...။

ကြိုးစားနေတဲ့သူတွေအတွက် အခက်အခဲကြားက အခွင့်အရေးတွေ ပေါ်လာတတ်စမြဲပါ...

အခွင့်သာတဲ့အခါ အမိအရဖမ်းဆုပ်နိုင်ဖို့ ကိုယ့်ဘက်ကတော့ အကောင်းဆုံးပြင်ဆင်ထားဖို့လိုအပ်ပါတယ်။

ဒါအတွက်လည်း ကျွန်တော်တို့ Youth Lead Organization - လူငယ်ဦးဆောင်အဖွဲ့  ရဲ့ Connect Together - Youth Learning  Centre Team ကနေပြီး လူငယ်တွေအတွက် အစီစဉ်ကောင်း တစ်ရပ်ကို စီစဉ်ထားရှိပါတယ်။

ဒါက‌တော့ Online Webinar တစ်ခု လုပ်ဖို့ စီစဉ်ထားပါတယ်။

Webinar ရဲ့ ခေါင်းစီးကတော့

"Empowering Yourself for Success in the Ever-Evolving Job Market!" ဖြစ်ပါတယ်။

အဓိက ပြောသွားမယ့် အကြောင်းအရာတွေက -

       လူငယ်တွေ အနာဂတ်အတွက် ဘယ်လိုမျိုးအရည်အချင်း အတတ်ပညာတွေ ပြင်ဆင်လေ့လာသင့်သလဲ။

        Professional ဘဝကို ကူးပြောင်းနိုင်ဖို့အတွက် ချိတ်ဆက်မှု၊ ခေတ်ရေးစီးကြောင်း အပြောင်းအလဲတွေကို အချိန်နဲ့ တပြေးညီ သိနိုင်ဖို့ သိသင့်သိထိုက်တဲ့ အချက်လေးတွေက ဘာတွေလဲ။

         အလုပ်ရှင်တွေ လိုအပ်တဲ့ in-demand Skills တွေက ဘာတွေဖြစ်မလဲ၊ အဲလိုမျိုး Skillsတွေ တည်ဆောက်ဖို့အတွက် ဘာတွေ လုပ်ရမလဲ။

အမြဲတမ်း ပြောင်းလဲနေတဲ့ ခုလို ခေတ်ကြီးထဲမှာ ကိုယ်တွေကိုယ်တိုင် အောင်မြင်တဲ့လမ်းကြောင်းကို လျှောက်လမ်းနိုင်ဖို့ဆိုတာ ကိုယ့်ကိုယ်ကို အရည်အချင်းတွေ ဖြည့်ထားဖို့ အရေးကြီးပါတယ်။

ဒါပေမဲ့ ကျွန်တော်တို့ လူငယ်တွေမှာ ဘာအရည်အချင်းတွေ ဖြည့်ဖို့လိုမလဲဆိုတဲ့ မေးခွန်းအတွက် အဖြေတွေ ရှာရခက်ကြပါတယ်။ ခုလို ခေတ်ကြီးထဲမှာဆို ပိုဆိုးတာပေါ့။

ရခိုင်က လူငယ်တွေအတွက်ဆို ပိုခက်ခဲပါသေးတယ်။ ဒေသထဲမှာ အများစု လူငယ်တွေအတွက် အခွင့်အလမ်းတွေ နည်းပါတာက တစ်ကြောင်း၊ ရွေးချယ်စရာမရှိတာကတစ်ကြောင်း၊ ကျွန်တော်တို့ လူငယ်တွေဟာ လှောင်ပိတ်နေကြရပါတယ်။

ဒါကြောင့် ကိုယ့်နိုင်ငံ၊ အာရှနဲ့ ကမ္ဘာ့ရေစီးကြောင်းထဲမှာ ဘယ်လိုမျိုး အလုပ်အကိုင်အခွင့်အလမ်းတွေက အလားအလာရှိတယ်၊ ကိုယ့်အိမ်ပြင်ပကို ထွက်ကြည့်ရင် ကိုယ်က ဘာမှမဟုတ်ဘဲ နိုင်ငံခြားသွား အလုပ်လုပ်ရင်တောင် အောက်ခြေအလုပ်တွေကိုဘဲ ပြေးမြင်မိကြတယ်။ ကျွန်တော်လူငယ်တွေမှာသာ ဘယ်လိုမျိုး ကောင်းမွန်တဲ့ ကြိုတင်ပြင်ဆင်မှုတွေ၊ ဘယ်လိုမျိုး အရည်အချင်းတွေကို ဖြည့်ရမယ်ဆိုတာ သိဖို့လိုအပ်ပါတယ်။ ဒါမှသာ ဘယ်နေရာဘဲ သွားသွား ကိုယ့်အတွက် နေရာတစ်ခု ရှိနေမှာပါ။